Un quinto premio da Lotería de Nadal cae en Lourenzá: o 19.371

O número agraciado, con 6.000 euros ao décimo, está repartido entre distintas localidades

Praza do Conde Santo. TURISMO DE GALICIA

Un quinto premio, con 6.000 euros por décimo, o terceiro en Galicia no que vai de xornada do Sorteo Extraordinario de Lotería de Nadal, caeu na localidade lucense de Lourenzá, en A Faba de Ouro. Foi o 19.371.

Aconteceu sobre as 10.42 horas, algo máis dunha hora despois de que saíran os dous outros quintos premios que tamén se repartiron en Galicia: o 86.986, moi distribuído en distintas localidades galegas –A Coruña, Oleiros, Bergondo, Vigo, O Porriño, Noia, Becerreá e Castro, O Carballiño, Ponte Caldelas e Caldas de Reis– e o 37.023, vendido en Galicia nunha administración de loterías de Santiago de Compostela.

Nesta ocasión, este quinto premio, dos catro que saíron xa, estivo repartido entre distintas localidades españolas. Só o último en saír, o 49.760, foi vendido nun único municipio, en Alcañiz (Teruel). O Sorteo Extraordinario da Lotería de Nadal 2020 reparte este martes un total de 2.408 millóns de euros en premios, 28 millóns máis que o ano anterior.

RESPOSTAR

Please enter your comment!
Please enter your name here